Əməliyyatdan Sonra Tövsiyələr
Üroloji əməliyyatlardan sonra düzgün qulluq sağalmanı sürətləndirir və ağırlaşma riskini azaldır. Aşağıdakı tövsiyələr ən çox icra olunan əməliyyatlara aiddir.
Qeyd: Bu məlumatlar ümumidir. Fərdi vəziyyətinizə görə həkiminiz fərqli tövsiyə verə bilər.
Perkutan Nefrolitotripsiya (PNL)
Böyük böyrək daşlarının çıxarılması sonrası qaydalar
Tövsiyələr
- Bol maye qəbul edin (gündə minimum 2–2.5 litr).
- 1 ay ağır fiziki iş görməyin.
- Gündəlik 2–3 saat yüngül gəzinti edin.
- Acı və ədviyyatlı qidaları rasiondan çıxarın.
- Uzun yol səfərlərindən çəkinin.
- Yara sarğısını ilk 3–6 gün dəyişdirin.
- 2–3 həftə sonra stentin çıxarılması üçün müraciət edin (əgər qoyulubsa).
- Reseptdə yazılan dərmanları müntəzəm qəbul edin.
Normal Sayılan Hallar
- Sidikdə az miqdarda qan görülməsi.
- Yara yerindən az miqdarda sidik sızması.
- Sidik ifrazı zamanı yandırma və göynəmə.
- Böyrək nahiyəsində yüngül sancı.
Həkimə Nə Zaman Müraciət Etmək Lazımdır?
- Bədən hərarəti 38°C və daha çox olarsa.
- Yara yerindən irinli axıntı olarsa.
- Bulanıq və kəskin qoxulu sidik ifrazı olarsa.
- Ağrılar çox kəskin olarsa.
- Ürəkbulanma, halsızlıq və qusma olarsa.
TUR-Prostat Əməliyyatı
Prostat əməliyyatından sonra sağalma üçün tövsiyələr
Tövsiyələr
- Ağır fiziki iş görməyin.
- Uzun yol səfərlərindən çəkinin.
- Sərt yerlərdə uzun müddət oturmayın; daha çox ayaqüstə və uzanıqlı olun.
- Qəbizlik olmasın (qəbizlikdən qorunun).
- Acı və ədviyyatlı qidaları rasiondan çıxarın.
- Bol maye qəbul edin.
- 1 həftə avtomobil idarə etməyin.
- Spirtli içki və kofeinli içkilərdən uzaq olun.
- 4–6 həftə cinsi əlaqə tövsiyə edilmir.
- Açıq havada gündə ən az 2–3 saat yavaş tempdə gəzin.
- Özünüzü soyuqdan qoruyun.
- Reseptdə olan dərmanları qəbul edin.
Əməliyyatdan Sonra Baş Verə Bilən Hallar
- Sidiyin əvvəlində və ya sonunda qan görülməsi.
- Bir müddət davam edən sidik qaçırma.
- Sidik ifrazı zamanı yandırma və göynəmə.
- Sidik şırnağının müvəqqəti zəifləməsi.
- Spermanın çölə xaric olmaması (retrograd boşalma).
- Müvəqqəti ereksiyanın olmaması və ya zəifləməsi.
Həkimə Nə Zaman Müraciət Etmək Lazımdır?
- Bədən hərarəti 38°C və daha çox yüksələrsə.
- Xayalarda şişkinlik və qızartı olarsa.
- Qasıq nahiyəsində güclü ağrı olarsa.
- Sidik kanalından daimi al qan gələrsə.
- Sidik ifrazı tam kəsilərsə.
Ureterolitotripsiya (RIRS)
Lazer ilə kəsiksiz daş müalicəsindən sonra qaydalar
Tövsiyələr
- Bol maye qəbul edin.
- Acı və ədviyyatlı qidaları rasiondan çıxarın.
- Gündəlik 2–3 saat yüngül gəzinti edin.
- 2–3 həftə sonra stentin çıxarılması üçün müraciət edin (əgər qoyulubsa).
- Reseptdə olan dərmanları qəbul edin.
Əməliyyatdan Sonra Baş Verə Bilən Hallar
- Sidikdə qan görülməsi.
- Sidik ifrazı zamanı yandırma və göynəmə, böyrəkdə sancı.
- Nadir hallarda sidik qaçırma.
Həkimə Nə Zaman Müraciət Etmək Lazımdır?
- Bədən hərarəti 38°C və daha çox olarsa.
- Bulanıq və kəskin qoxulu sidik ifrazı olarsa.
- Ağrılar çox kəskin olarsa.
- Ürəkbulanma, halsızlıq və qusma olarsa.